Վահան Տերյան

Վահան Տերյան

                                                          ՎԱՀԱՆ ՏԵՐՅԱՆ

                                                       Բանաստեղծություն

Մենության Խավար

Մենության խավար զնդանից կրկին

Ես վերադարձա հզոր ու հպարտ,

Եվ ինձ ողջունեց աղմուկը զվարթ,

Ու նոր խնդությամբ այրեց իմ հոգին…

Անխոս տանջանքիս գիշերում անքուն

Իր հուրը վառեց պայծառ մի կարոտ —

Նոր սիրով լեցուն՝ դարձա ես ձեզ մոտ,

Եվ նոր երգեր են հնչում իմ հոգում։

Եկա, որ այստեղ ձեզ համար այսօր

Հըրեղեն խոսքեր կռեմ ու խնդում,

Լսեմ հաղթական մարտի ցնծություն,

Տեսնեմ շարքերը ձեր հզորազոր։

Եվ լուսաբացինք երբ հոգնած լինեք,

Երբ քնած լինեք թշնամուց խաբված,

Արևածագի ցնծությամբ արբած,

Կանչեմ ձեզ, ճչամ՝ եղբայրնե՜ր, ելե՛ք...

Արեվածագ

Ես կանգնած եմ վայրի ժայռի կատարին,

Բա՜րձր, բա՜րձր,— հեռավոր ու մենավոր.

Այնտեղ, ցածում, դեռ նիրհում են դաշտ ու ձոթ,

Դեռ խավար է այնտեղ՝ դաժան ու լռին։

Սակայն շուտով կատարներից հեռանիստ

Արևն այնտեղ հուր կըթափե և ոսկի,

Եվ կըցնծան դաշտերը՝ լուռ ու հանգիստ,

Երկիրն անհուն կարոտ կյանքի և խոսքի։

Եվ դու կերգես, զարթնած աշխարհ, իմ առաջ,

Կարձագանքես իմ ողջույնին սիրառատ,

Կըլսեմ ես դարձյալ աղմուկ ու շառաչ

Ու կըսիրեմ հեքիաթային առօրյադ։

Լռություն է, մութ է այնտեղ, սակայն իմ

Սրտում արդեն արշալույս է՝ հարությո՜ւն.—

Ողջո՜ւյն ձեզ մութ ուղիներում երկրային,

Ւմ եղբայրնե՛ր, հեռուներում և բանտում...

ԱՔՍՈՐԱՎԱՅՐՈՒՄ

Լուռ է գիշերը։ Սառույց է ու ձյուն... 

Պաղ լռությունը մռայլ է ու չար.

— Զարթիր, ըղձալի գարնան շառաչյուն,

— Պայթիր, փոթորիկ, կարող ու պայծառ։

Լուռ է երկիրը։ Երկինքը ամպոտ.

Մեկը թախծագին նայում է հեռուն, 

Մեկը կանչում է՝ «Զարթի՛ր, առավոտ», 

Ու շղթաներով աղմուկ է հանում... 

Ու մի արձագանք... գիշեր է ու ձյուն... 

Հանգիստ ննջում է մռայլ շրջական,

— Շողա, վրեժի մահաբեր դաշույն

— Հնչիր, փոթորիկ ժողովրդական...

English test

1.1-b          3-b       2.5  b) about    7.a) for.   9.D) with.   11.D) about. 13.To. 15.for. 17.to

2-c             4-c       6.b) with.          8.a) to.    10.D) for.    12.For  14.about. 16.with. 18.for

3.19. Have laughed  21.were washed.  23.turned out.   25.improved.  27.have expected

20.had laughed. 22.have been caught.  24.was hoping.  26.have been. 

4.28.traveling  30.cooked.  32.opened.

29.class field.  31.outside.  33.definite 

5.34.must. 36.despite.  

35.on.